«Шин-Лайн» компаниялар тобы мен Кореяның ауыл шаруашылығы, балық шаруашылығы және азық-түлік саудасы корпорациясы (АТ) Оңтүстік Кореядан Қазақстанға және ТМД елдеріне азық-түлік импортын кеңейту туралы келісім жасасты.
Меморандумға қол қою Қазақстан Республикасының Корея Республикасындағы Төтенше және Өкілетті Елшісі Нұрғали Арыстановтың қатысуымен өтті және Корея Республикасының Ауыл шаруашылығы, азық-түлік және ауылдық аумақтар министрлігінің және Қазақстанның Сеулдегі Елшілігінің қолдауының арқасында жүзеге асты.
Сол күні Кореяда қабылданған төмен көмірсутекті тәсіл негізінде дайындалған жоғары сапалы азық-түлік K-Food өнімдерін өндіретін оңтүстіккореялық өндірушілермен іскерлік кездесу өтті. «Шин-Лайн» кимбап өндірісіне арналған корей күрішін қоса алғанда, ең үздік өнімдерді импорттауды жоспарлап отыр.
Төмен көміртекті тәсіл өнеркәсіптік кәсіпорындардың табиғатқа ең аз зиян келтіретін заманауи өндіріс технологияларына көшуін қамтиды.
АТ президенті Ким Чун Чжин «Шин-Лайнмен» ынтымақтасу мүмкіндігі үшін алғысын білдіріп, қоршаған ортаны қорғаудың және тұрақты азық-түлік өндірісінің маңыздылығын атап өтті. -Өндіріс технологиялары мен сатып алынатын өнімдерге назар аудара отырып, біз денсаулығымызға да қамқорлық жасаймыз, – деді Ким Чун Чжин.
